Orka til Straumsvíkur mun koma frá Búðarhálsvirkjun
Sunnudagur 25. júlí 2010 | Engar aths
Eftirfarandi frétt er fenginn af vefnum savingiceland.org.
ISAL (Rio Tinto Alcan) hefur tryggt sér alla þá samninga sem fyrirtækið þarf til að geta hafið stækkun álvers síns í Straumsvík. Um miðjan júní undirrituðu Landsvirkjun og ISAL endurnýjunarsamning um sölu raforku til fyrirtækisins fram til ársins 2036 og var kveðið á um kaup 75MW viðbótarorku í þeim samningi.
Ný útgáfa Andspyrnu
Föstudagur 23. júlí 2010 | Engar aths
Andspyrna hefur gefið út barnabókina Hulduheimur Heiðarlands. Bókin var stílfærð af Sigurði Harðarsyni eftir bók sem kom upprunalega út í Bretlandi. Í umfjöllun um bókina segir m.a.
Lesa
Höfnum ESB!
Mánudagur 19. júlí 2010 | Engar aths
Eftirfarandi ályktun var samþykkt á útifundi Rauðs vettvangs gegn ESB, sem haldinn var á Lækjartorgi 16. júlí sl.
Höfnum ESB!
Ályktun útifundar Rauðs vettvangs á Lækjartorgi 16. júlí 2010
Nú þegar ár er liðið frá því að aðildarumsókn að Evrópusambandinu var knúin gegnum Alþingi með hrossakaupum og heildsölu á atkvæðum þingmanna, er augljóst að ferlið er í mikilli kreppu.
Mótmæli gegn ESB
Föstudagur 16. júlí 2010 | Engar aths
Rauður vettvangur boðar til útifundar á Lækjartorgi klukkan 17 í dag. Yfirskriftin er einföld: Höfnum ESB. Ræðumenn: Anna Ólafsdóttir Björnsson, Rakel Sigurgeirsdóttir og Þorvaldur Þorvaldsson. Fundarstjóri: Vésteinn Valgarðsson. Sjálfboðaliðar mæti a.m.k. hálftíma fyrr.
Ræða Þorvalds Þorvaldssonar
Föstudagur 23. júlí 2010 | Engar aths
Þessa ræðu flutti Þorvaldur Þorvaldsson á útifundi Rauðs vettvangs gegn ESB, sem haldinn var á Lækjartorgi föstudaginn 16. júlí 2010.
Félagar.
Össur Skarphéðinsson utanríkisráðherra hélt því fram nýverið að ef Íslendingar hefðu fylgt hans ráðum og gengið í Evrópusambandið fyrir nokkrum árum væri hér engin kreppa. Og sérstaklega ætti þetta við ef við hefðum tekið upp evruna. Það er auðvelt að halda fram svona fjarstæðu í hópi jábræðra þar sem enginn hreyfir andmælum. Þar sem enginn spyr hvers vegna sé þá svona djúp kreppa í Lettlandi, Grikklandi og mörg önnur ríki í Evrópusambandinu eru djúpt sokkin í skuldafen sem á rætur sínar að rekja til inngöngu þeirra í ESB.
Draumur markaðshyggjunnar um Evrópusambandsaðild
Þriðjudagur 20. júlí 2010 | Engar aths
Ræða Rakelar Sigurgeirsdóttur sem hún flutti á útifundi Rauðs vettvangs, sem var haldinn sl. föstudag, undir yfirskriftinni Höfnum ESB. Tilefnið var að þá var ár liðið frá því að það var samþykkt á Alþingi að sækja um Evrópusambandsaðild.
Ágætu borgarar þessa lands!
Mig langar til að höfða til ykkar, sem hér eruð viðstödd, þegar ég vara við draumi markaðshyggjunnar um aðild að Evrópusambandinu. Það skiptir ekki máli hvort sú markaðshyggja vill kenna sig við hægri eða vinstri. Við höfum líka öll reynslu af því að það markaðshyggjusamfélag, sem hér hefur verið rekið á undanförnum árum, skilar okkur, almennum borgurum, engan veginn réttlátu þjóðfélagi!
Ræða Önnu Ólafsdóttur Björnsson
Þriðjudagur 20. júlí 2010 | Engar aths
Þessi ræða Önnu Ólafsdóttur Björnsson var flutt á útifundi Rauðs vettvangs gegn ESB-aðild 16. júlí sl.
Ég er Íslendingur, ég er alþjóðasinni, ég er Evrópusinni en ég er EKKI Evrópusambandssinni. Þess vegna tala ég hér í dag á árs afmæli hinnar herfilega misráðnu ákvörðunar að taka upp aðildarviðræður við ESB.
Fyrir einu og hálfu ári varð hér á landi merkileg lýðræðisbylting. Ein af helstu kröfunum var að færa valdið nær almenningi. En á þessum degi fyrir ári var skref stigið í þveröfuga átt með aðildarumsókn að ESB. Erfitt er að hugsa sér eina aðgerð sem færði valdið fjær almenningi en einmitt aðild að ESB.
Hvert stefnir hagkerfi heimsins?
Föstudagur 16. júlí 2010 | Engar aths
Eftirfarandi grein hefur áður birst á vefnum vald.org.
Ástandið er farið að minna óþægilega mikið á stöðuna eins og hún var haustið 2008. Bankar, aðallega í Evrópu, hanga á horriminni og skrimta aðeins vegna þess að seðlabankar kaupa af þeim rusl. Millibankalán eru að dragast saman og lánalínur yfir höfuð að þrengjast eða lokast. Ríkissjóðir margra landa eru tæknilega gjaldþrota.